تفسير العرس في المنام لابن سيرين

 طريقة تحضير مقروض اللوز

مقروض اللوز
3كيلات لوز مرحي رقيق
كيلة سكر حرش
مبشور قارص
انا 3 كيلات تاعي كانو نصف كيلوحطيت فيه مبشور زوج حبات قارص،لازم نحسو مليح بالطعم تاعو.
نخلط مليح المقادير السابقة مع بعضها.
نكسر بيض بجهة،نبدأ نزيد فيه بالشوية ونلم في نفس الوقت ،لازم نتحصل على عجينة متماسكة.
نخليها شوية ترتاح ومن بعد ندير حرابش ونقطع مقروضات،مانديرهمش كبار لاخاطر يتنفخو فالفرن.
نحط المقروضات في بلاطو بورق الطهي.
ندخلهم للفرن نكون سخنتو من قبل ،درجة الحرارة لازم تكون قليلة باش ماييبسوش ،نحطوهم على 140 درجة.
نخليهم15 دقيقة ونخرجهم،يكونو مازالهم طريين بصح يحكمو مليح رواحهم كيما يبردو.
كيما يبردو مليح، نغطسهم في ماء ورد،+ عصير قارص او ماء زهر مع قارص حسب الذوق.
نقطرهم ونغبرهم مرة اولى بالسكر قلاص،نخليهم يشيحو مليح ونعاودلهم السكر.