تفسير العرس في المنام لابن سيرين

 كيفية تحضير صابلي بفلان كراميل

في إيناء نضع 250غ مرغرين طرية او زبدة طرية+60غ سكر ناعم (2م ك مملوءة جيدا)+50غ فلان كراميل (2ملاعق كبيرة مملوءة)+بيضة كاملة وصفار بيضة+ ملعقة صغيرة فانيلا ونخلط بالخلاط الكهربائي حتى نتحصل على خليط كريمي ويذوب السكر المتواجد في الفلان.

نضيف للخليط 3ملاعق كبيرة كاوكاو محمص ومرحي رقيق او لوز مرحي رقيق حسب المتوفر ونواصل الخفق.
نضيف 50غ نشاء الذرة (2ملاعق كبيرة ) ونخلط جيدا ونوقف الخلاط.
نضيف الفرينة تدريجيا+ملعقة صغيرة خميرة الحلويات حتى نتحصل على عجينة طرية وملساء نتركها ترتاح في الثلاجة لمدة 15 حتى20د ثم نبسطها سمك متوسط و نشكل دوائر وتوضع في صنية وتدخل الفرن مسخن مسبقاً حتى تأخذ لون ذهبي ونتركها تبرد تماما ثم نلصق الحبات بكريمة الزبدة بذوق الكراميل ثم نڨلاصيها بالشكولا ونزينها كما هو موضح في الصور.
تحضير كريمة الزبدة: 

في إيناء نضع 120غ زبدة طرية نخفقها بالخلاط الكهربائي حتى يتغير لونها وتصبح بيضاء نضيف 3ملاعق كبيرة سكر ناعم (ممكن عمل 2ملاعق يكفي) ونواصل الخفق ثم نضيف 2ملاعق كبيرة كاوكاو محمص ومرحي رقيق ونخفق+عطروملون ذوق كاراميل (pâte arôme caramel) ونخفق جيدا حتى نتحصل على كريمة خفيفة و نضعها في كيس حلاوني وتوضع في الثلاجة ثم نحشي حبات الصابلي وكمية الحشوة حسب الرغبة بعدما نحشي الحلوى نضعها في الثلاجة حتى يتماسك الحشو ثم نخرجها ونڨلاصيها.

ڨلاصاج الشكولا:

نذوب 200غ شكولا بالحليب+100غ شكولا سوداء بعدما تذوب تماما نضيف لها 2ملاعق كبيرة زيت ونخلطها جيدا ثم نڨلاصي الحبات وبنفس الشكولا نملأ كيس حلاوني ونعمل خطوط رقيقة ونرش عليها حبيبات الشكولا الصغيرة و ورق الذهب ويبقى التزيين حسب الرغبة.

فلان الكراميل هو مستحضر كريم كاراميل الجاهز.
كمية المتحصل عليها من الحلوى يبقى حسب المول المستعمل.
ملاحظة: هناك بعض الحبات وضعت فوقها حبات من الأرز المنفوخ الخاص بالحلويات ثم غطيتها بالشكولا وأعطاني شكل جميل وكما قلت التزيين إختياري.