تفسير العرس في المنام لابن سيرين

بوقالات جزائرية حسب شهر ميلادك - بوقالات جزائرية - بوقالات حسب شهر ميلادك

اليك اجمل بوقلات جزائرية للسهرات ولّمة لحباب حسب شهر ميلادك.. اعقد وانوي.

شهر جانفي :

مع الشمس الصبيحة عيني شافت لبعيد ،فارس من الثنية جاني نهار العيد طلبت ربي يحن عليا وحققلي حلمي الوحيد.

شهر فيفري :

شفت الزين بعيني واش يصبرني عليه ابكيت على سنيني اللي فاتت بلابيه الحبيب اللي يبغيني ربي ليا يخليه.

شهر مارس :

دارنا علات وشمسنا ضوات والطفلة اللي نحبها راهي جات وهي لالة البنات

شهر أفريل :

روح يا الطير وصل سلامي للزينة في اوراق التشينة قولها مازالك في القلب ديما.

شهر ماي :

عيني في عين الحبيب وفمي حاشم انا تمنيت الحنة و معاه ان شاء الله ندير الخاتم.

شهر جوان : 

كنت كي لوردة المدبالة جا حبيبي و غير الحالة ياخويا الحب راه كواني ودواه راه شفاني.

شهر جويلية :

يا ناس لملاح مدولي بنتكم و الا نطيح نموت..بنتنا شرطها غالي و مقامها عالي..مدوهالي و الا نشتكي بيكم لربي العالي.

شهر أوت :

في الدار صندوق مخبيء فيه الذهب و المرجان و روبة قطيفة قالولي ليمن راك مخبيها قلتلهم لهاديك مولاة الشان و المشية الظريفة.

شهر سبتمبر :

ديديو..ديدو..أنا سعدي مليح ، قنديلي ضاوي ، البنيان إلى بنيتو قع سجالى ، بنياني فوق غرفة و لي يخصني يكملهولي العالي.

شهر أكتوبر : 

الدالية دلات ..و دلّ العنقود ، خلي القمر ينكشف ، والسحاب يذوب ، و خلي لالات النسا تنال المرغوب.

شهر نوفمبر :

جايز على باب دارنا ، لابس تلمساني ، قتلو يا شيخ بالاك تنساني ، قالى والله ما ننساك ، ونصيبك على ربي جاه و سلطاني.

شهر ديسمير:

أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح.