طريقة تحضير رفيس قسنطيني
اربع كيلات دڨيڨ من الأحسن يكون متوسط او خشين ملعقة تاع قهوة ملح و نزيدولها كيلة زبدة ولازم كي نذوبوها و نخليوها تركح نحتاجوا ليدام لي يطلعوا من فوڨ و نحيو البيوضة هاذيك لي تهبط لتحت بعد ما تركح نبعد نحكوا السميد بدينا مليح باه يتشرب الزبدة نبعد نزيدوا كيلة مخلطة بالماء و ماء ورد ولازم يكون راس القطار ديروا كيلة و عينكم ميزانكم على حساب الدڨيڨ يشرب ولا لالا ولازم العجينة تاع الرفيس تجي طرية تبان بلي سردانة مش مرملة نبعد نطرحوه في بلاطو كاري لازم ارتفاع الرفيس يكون متوسط قيس صبع واحد و نقطعوه مربعات شغل نطراصيوه برك ما نقطعوهش حتى لتحت و نحطوه يتحمر فالفور
نرجعوا للرفيس تعنا نجبدوه من الفور بعد ما تحمر نهرسوه بالمهراس و نغربلوه في سيار الزرع بصح ما تهرسوهش بزاف لازم يجي فيه شوية حبات خشان
نحطوا الكسكاس يفور فارغ و من جيهة خلاف الرفيس تعني لي هرسناه و حطيناه في بلاط نبخوه بكاس حليب نخليوه يشرب نبعد نفتلوه مليح بيدينا و نحطوه يفور نحيوه من الكسكاس نعودو نهبطوه نزيدو نبخوه بالورد حتى يشيح ونديرولو سكر حرش نفتلوه معاه نعاودو نرجعوه يفور ومنبعد نهبطوه نحطلو شوية جوز مرحي ونسقيوه بالعقدة حتى يشرب
العقدة زبدة وعسل ورد
نبعد نحطوه فالسحن و نزينوه بطريفات زبدة حرة تاع القالب و نرشقوا فيه جوز حب و نزينوه بالسكر ڨلاس و لي يحب يزيد عسل من فوڨ لازم الرفيس يجي مطمن مش مرمل و نجوزه باللبن .
نرجعوا للرفيس تعنا نجبدوه من الفور بعد ما تحمر نهرسوه بالمهراس و نغربلوه في سيار الزرع بصح ما تهرسوهش بزاف لازم يجي فيه شوية حبات خشان
نحطوا الكسكاس يفور فارغ و من جيهة خلاف الرفيس تعني لي هرسناه و حطيناه في بلاط نبخوه بكاس حليب نخليوه يشرب نبعد نفتلوه مليح بيدينا و نحطوه يفور نحيوه من الكسكاس نعودو نهبطوه نزيدو نبخوه بالورد حتى يشيح ونديرولو سكر حرش نفتلوه معاه نعاودو نرجعوه يفور ومنبعد نهبطوه نحطلو شوية جوز مرحي ونسقيوه بالعقدة حتى يشرب
العقدة زبدة وعسل ورد
نبعد نحطوه فالسحن و نزينوه بطريفات زبدة حرة تاع القالب و نرشقوا فيه جوز حب و نزينوه بالسكر ڨلاس و لي يحب يزيد عسل من فوڨ لازم الرفيس يجي مطمن مش مرمل و نجوزه باللبن .
تعليقات
إرسال تعليق