طريقة تحضير محاجب حارين
3كيلات سميد متوسط،كيلة فرينة،ملح ونجمع بالماء نخليها شوية قاسية ونخليهل ترتاح حوالي ساعة،نرجع نعجنها مليح حتى تولي تطرطق مع إضافة الماء حسب الحاجة،نقرصها قرصات صغار وندهنهم بالزيت ونغطيهم ،ونخليهم يرتاحو،العجينة قد ماترتاح وساعدنا فالخدمة ونمر
الصلصة:
4حبات بصلات كبار رحيتهم شوية خشان،4سنات توم،2فلفل حار أخضر نقليهم مليح فالزيت حتى يذبالو ونضيف 2حبات طماطم مرحيين وملعقة كبيرة طماطم مصبرة نحلها فشوية ماء و1/2ملعقة عكري ورشة فلفل أسود نخليهم يطيبوا مليح
التحضير:
نحل أول كرية رقيقة بالزيت ونطويها ونحط الحشو لي لازم يكون بارد ونغلقها ونحطها اطيب على نار قليلة غير تبدا تأخذ الطياب ندهنها دهنة خفيفة بالزيت ونقلبها وعندهم الوجه الأخر ونخليهم يطيبوا
نصيحة:عجينة المحاجب او المعارك ماتحبش أجي مطلوقة بزاف باه يجو خفاف وينتفخو فالطاجين ويجو مورقين لداخل .
تعليقات
إرسال تعليق