تفسير العرس في المنام لابن سيرين

بوقالات لحنة العروس الجزائرية

اصبحت البوقالات شائعه في الاعراس الجزائرية وسهرات حنة لعروس بحيث توزع البوقالات مع الحلوى لصديقات العروس والمعازيم في حنة لعروس,اليك مجموعة من بوقالات لعروس لطباعتها وتوزيعها على اهل العروس في الحنة.

فال هذي الليلة اعقدو لبنات و زينو النية
بسم الله بديت هذا البوقالة ليكم نويت
لالة يا لالة ياشهلة لعيان يفتحلك ربي الف حلة وطلعلك فالشان وإذا كنتي حيرانة فرجها مولانا وإذا كنتي فرحانة فراح السعود وبعد عليك الحسود

بسم الله بديت هذا البوقالة ليكم نويت

خرجت فالليل وعقلها طاير رفدت عينها للنجوم وقلبها حاير شافت فالارض شمعتها ضوات رفدت يديها للسما وعدات ربي يحققلها مابغات

بسم الله بديت هذا البوقالة ليكم نويت

قلبي ابيض كي الحليب اللي في قلبي على لساني يالحبيب داير النية وحاجتي مقضية الحمد لله هذا من فضل ربي عليا

بسم الله بديت هذا البوقالة ليكم نويت

الزواج قسمة ومكتوب والحب سلطان القلوب والحلال هو المرغوب والله هو عالم الغيوب والانسان معليه غير يتوب ويستغفر من الذنوب وربي يكمل الفرحة لكل محبوب

بسم الله بديت هذا البوقالة ليكم نويت

الزين الغالي ولخدود نوار والحاجب عالى والعينين كبار الشعر مدربي والرقبة بلار والله مانفرط فيك لوكان يعطوني مليار.

بسم الله بديت هذا البوقالة ليكم نويت

"بالبشارة بشروني وبالحنة زرتوني وعلى الغالي إنشاء الله تهنوني" 💍♥️.

اقرا ايضاماهي حبة أو بثور الشفاه- حمى الشفاه" "herpes labial"

اقرا ايضاماهو شخير الأطفال ؟ وكيفية علاجه

اقرا ايضااحدث موديلات البلوزة الوهرانية 2022

اقرا ايضاطريقة صنع خاتم المناديل الورقية

بسم الله بديت هذا البوقالة ليكم نويت

قلبي على جمرة وقلب محبوبي على تمرة هديتلو وريدة همرة وقلتلو رد بالك الخديعة مرة لوكان تخدعني نهبل ومانبرا رد عليا وقالى ياخليلتي اذا خدعتك نتسمى نكار العشرة ووالله ماننساك يالعدرة حتي يحطوني فالاكفان ويرقدوني فالمقبرة.

بسم الله بديت هذا البوقالة ليكم نويت

بوقالة اليوم :" لبست عقد السعد ملألأ بالنجوم وعطيت معاه الوعد ميفرقناش يوم" 

بسم الله بديت هذا البوقالة ليكم نويت

"حنة يالحنة يلي معطرة بروايح الجنة لي يديرك في يدو يسعد ويتهنى" 

بسم الله بديت هذا البوقالة ليكم نويت

"حنة يالحنة يلي معطرة بروايح الجنة لي يديرك في يدو يسعد ويتهنى" 

بسم الله بديت هذا البوقالة ليكم نويت

ايلا انت بحر انا حوتة فيك ويلا انت جنان انا وردة فيد وايلا انت تحبني انا نموت عليك

بسم الله بديت هذا البوقالة ليكم نويت

يامولاة النية والقلب الكبير يا كل عقدة وليها تدبير اصبري وخليها للمولى القدير تتسقم حياتك ويبشرك بالخير وكي اليوم يتسقم سعدك وتلبسي برنوس الحرير.

بسم الله بديت هذا البوقالة ليكم نويت

الدالية دلات ودل العنقود خلى القمر ينكشف والسحاب يذوب خلى لالات النسا تنال المرغوب.

بسم الله بديت هذا البوقالة ليكم نويت

جايز على باب دارنا لابس تلمساني قتلو ياشيخ بالاك تنساني قالى والله ماننساك ونصيبك على ربي جاه وسلطاني.

بسم الله بديت هذا البوقالة ليكم نويت

اصلك اصلك وماينفع غير الصح مولاة النية صافية عليها ربي يفتح اطول ولا تقصر يجيها السعد والربح.