تحضير حلوة السيقار 

مقادير حلوة السيقار

العجينة :

3 كيلات فرينة
كيلة مارغرين
ملعقة صغيرة فانيليا

رشة ملح + بيضة 
نصف ملعقة صغيرة لاليفير + ماء و ماء الزهر 

الحشو :

علبة 250غ مارغرين
علبة عسل + علبة حلوة الترك 
كاكاو محمص و مرحي رقيق + ذوق الكاراميل 
شكولاطة القلاصاج سوداء و بيضاء ومعجون المشمش و نواد قوقو 

طريقة تحضير حلوة السيقار:

للعجينة نخلط المكونات الجافة الفرينة و الفانيليا و رشة الملح و لاليفير ثم نضيف المارغرين الذائبة و الباردة ونلم العجين بخليط الماء و الماء الزهر حتى نتحصل على عجينة طرية و ملساء من الافضل ان تكون الفرينة من النوعية الجيدة كفرينة سيم لان الفرينة السمراء و الرخيصة تشرب الدهون ولما ترتاح تعاود تتسرب منها وتيبس العجين.
ولما ترتاح العجينة نسبطها ونقطعا مستطيلات و نلفها حول لي مول نتاع السيقار والى الفرن حتى تصبح نوعا ما ذهبية وليس بيضاء . 
نحضر الحشو و بواسطة الباثور نخفق المارغرين مع العسل و النوقا و ذوق الكاراميل جيدا حتى تصبح الزبدة خفيفة ثم نضيف الكاوكاو حتى يصبح الحشو طري و يمكن ان يمر في لابوش la poche à d'oeil لكي تسهل عملية حشو السيقار 
وبعد نغمس حبة السيقار المحشية في الشكولاطة السوداء المذابة من قبل فوق حمام مائي و عندما تجف نزينها بالشكولاطة البيضاء المذابة كذلك من قبل فوق حمام مائي و نضعها في poche jetable ونعمل خطوط و في الاخير ندهن جانبي السيقارة بالمعجون و نضع النواد كوكو. 

إرسال تعليق

ملحوظة: يمكن لأعضاء المدونة فقط إرسال تعليق.

 
Top