طريقة تحضير قاطو الشكولاطة

مقادير قاطو الشوكولاطه

رطل فرينة
250غ مرقرين
50غ زبدة 
100غ سكر رطب
نصف باكي خميرة
2 صفار بيض ونحتفظ بالبياض
5م ك حليب - م ص فاني - 2 م ك نشاء

الحشو:

2كيسان نواد كوكو مرحي - كاس سكر رطب 
3م ك كاكاو نوار
2بياض البيض لي كنا احتفظنا بيه من العجينة
كمية من الحليب للطلاء شكولة
للتزيين: عجينة اللوز الاصطناعية ملون ابيض لماع فضي

طريقة تحضير قاطو الشوكولاته:

اولا نقوم بتحضير ورقة التزيين التي من فوق ,ناخذ عجينة اللوز الاصطناعية نضيف لها شوية نشاء وكمية من الملون الابيض ونعجنها لا يجب ان تلصق في اليد حتى يسهل تشكيلها ,نفرش النيلون ونرش النشاء ونبسط عجينة اللوز وبالحلال وبواسطة طابع على شكل ورقة نشكل اوراق ثم نلوي الورقة وهي طرية ونضعها تجف فوق ورق الزبدة من الاحسن نحضر الاوراق صباحا ونعمل بهم في المساء الان نحضر العجينة.

بواسطة الخلاط الكهربائي نخلط المرقرين+الزبدة+السكر جيدا نضيف صفار البيض +5م ك حليب نحرك ثم نضيف الفرينة والنشاء والخميرة ونلم العجينة دون عجنها
الان نمسح طاولة العمل بقطعة قماش فيها الماء ونفرش النيلون كي تكون الطاولة رطبه النيلون مايتحرك وهذا يساعدك على العمل نحط العجينة فوق النيلون بعد نرش السطح بالفرينة ونرش العجينة من فوق بشوية فرينة نبسطها شوية بالحلال من بعد نغطي العجينة بالنيلون ونكمل بسطها بالحلال بشكل مستطيل.
الان نحضر الحشو نخلط النواد كوكو المرحي والسكر الرطب والكاوكاو +بياض 2 بيض لي المتبقى من العجينة ونبل بالحليب نضيف بالشوية ونحرك لازم يكون الحشو طري حتى يسهل تمديدها فوق العجينة.

ننزع النيلون من فوق العجينة ونحط الحشو بشكل متناثر
بواسطة سباتولا نمدد الحشو على كل العجينة ثم نبدا نلف من الاتجاهين بالتساوي نستمر في اللف حتى نكمل بواسطة سكين نقطع العجينة من المنتصف راح نتحصل على اثنين حرابش نقطع كل واحد على اثنان نحطهم في طبق مستطيل وندخلهم للثلاجة حتى يتماسكو جيدا لتسهيل عملية التقطيع من بعد نقطعهم بواسطة سكين حاد بهذا الشكل ندخلهم للفرن على180درجة بعدما ينضج من تحت نشعل عليهم من فوق بعد الطهي نتركهم يبرد تماما.

الان نذوب الشكولة على حمام مائي نضيف لها شوية حليب ونحرك نغطس الحلوى في الشكولاتة من فوق ونحطها فوق مشبك نحط فوق كل حبة حلوى ورقة من عجينة التزيين لي كنا حضرناها قبل وهذا قبل ما تشيح الشكولة ونزين بالملمع الفضي نحط بشكل مائل بعد ماتشيح الشكولة نحط الحلوى في ليكسات ونقدمها وهذا شكلها النهائي

إرسال تعليق

ملحوظة: يمكن لأعضاء المدونة فقط إرسال تعليق.

 
Top